حسین قیصرانی صاحب کو 2014 سے جانتا ہوں، جب اُن کا آفس گلبرگ لاہور میں تھا۔ پھر ہم بحریہ ٹاؤن لاہور شفٹ ہوئے تو اتفاق سے وہ بھی یہیں پر رہائش پذیر تھے۔ شفٹنگ کی وجہ سے پیش آنے والے کئی مسائل اور سٹریس نے مجھے اتنا ڈسٹرب کیا کہ مجھے مستقل بخار رہنے لگا۔ میں علاج کی تلاش میں ایک ڈاکٹر سے دوسرے ڈاکٹر تک بھاگتا رہا، بہترین ڈاکٹرز سے علاج کروایا، مگر بخار ختم نہ ہوا۔
اسی مایوسی میں نجانے کیسے مجھے یہ خیال آیا کہ کئی نہ سمجھ آنے والی اور پیچیدہ بیماریوں میں ہومیوپیتھک علاج حیران کن نتائج دیتا ہے۔ مجھے یہ بھی معلوم تھا کہ قیصرانی صاحب ہومیوپیتھی اور سائیکوتھراپی کے ٹاپ ماہر ہیں۔ میں نے ان سے رابطہ کیا۔ میرے لیے یہ خوشگوار حیرت سے کم نہ تھا کہ اُن کی صرف ایک دوا کی چند خوراکوں کے بعد ہی اتنا مستقل اور لمبا بخار مکمل طور پر ختم ہو گیا۔
سال بھر بعد ایک اور مسئلہ آن کھڑا ہوا۔ میرے دائیں کندھے میں شدید درد اور اکڑاؤ پیدا ہو گیا جسے ڈاکٹرز فروزن شولڈر کہتے تھے۔ میں نے ڈاکٹرز، فزیوتھراپسٹ اور آرتھوپیڈک ماہرین سمیت کئی ڈاکٹروں سے علاج کروایا، مگر بہتری نہ آ سکی۔
ایک بار پھر ڈاکٹر قیصرانی سے رابطہ کیا۔ ان کی بات میرے لیے پھر باعثِ حیرت بنی۔ انہوں نے بتایا کہ یہ جسمانی تکلیف دراصل ذہنی سٹریس اور انگزائٹی سے جڑی ہوئی ہے۔ ہومیوپیتھک علاج شروع کیا اور وقت کے ساتھ اس کے نتائج نہایت حیران کن ثابت ہوئے۔ شدید درد اور اکڑاؤ واضح کم ہو گیا۔
ان کمال ذاتی تجربوں کے بعد اب تو جب بھی مجھے یا میرے خاندان کے کسی فرد کو کوئی بھی مسئلہ پیش آتا ہے تو سب سے پہلے میں قیصرانی صاحب سے ہی رجوع کرتا ہوں۔ میری سمجھ میں وہ یہاں کے بہترین ہومیوپیتھک ڈاکٹر ہیں۔
Recovery from Chronic Fever and Frozen Shoulder with Homeopathic Treatment
